మధుసూదన ద్విశతకం
#117 ఓర్పు నేర్పులలో మనకన్నా మిన్న వారు లేనిదే మనమన్నది సున్న స్వాగతిద్ధాము వారిని సాధికారతనిచ్చి మనసు పెట్టి వినరా మధుసూదనా ! #116 ఎదురు చూస్తున్నావంటు వెంటనే రాదు తప్పించుక తిరగ చూడ తరలి పోదు నూకలు చెల్లంగనే నిన్నెత్తుకెళ్ళు చావు మనసు పెట్టి వినరా మధుసూదనా ! #115 తాళియంటే తాడు కాదు తెంపి పారవేయ విప్పడానికి కాదు వేసింది మూడు ముడులు విడిపోవు మనస్పర్థలు విచక్షణతో చర్చించిన మనసు పెట్టి వినరా మధుసూదనా ! #114 చేయకూడని పనిని చేయమాకెప్పుడూ చూచులే అంతరాత్మ చూడకున్ననెవరూ అపరాధమన్నది అగ్గిలా దహించును మనసు పెట్టి వినరా మధుసూదనా ! #113 విలువ లేదని సున్నాను వెలకట్టకుందుమా పక్కనుండి సంఖ్య విలువ పదింతలు చేయునే ఉన్నతి కోరే వ్యక్తుల వేలెన్నడూ విడువకు మనసుపెట్టి వినరా మధుసూదనా ! #112 సరదా పరిచయాలు సాగిస్తే అలవాటుగా అదుపు తప్పిపోయి ఆపదలు తెచ్చిపెట్టు బానిస కాకముందే బంధనాలు తెంచుకో మనసుపెట్టి వినరా మధుసూదనా ! #111 పురుగు గొంగళి నుంచి పుట్టిన సీతాకోక చేరదీయ