నన్నుగన్న నా పల్లె
ననుగన్న నా పల్లె
నిను మరువలేను నేమరిచిపోను ||న||
తొలకరి వానల మట్టి వాసనలు
మిణుగురు పురుగుల రాత్రి వెలుగులు
పైరు పంటల పిల్ల గాలులు
నాలో రేపెను నిన్నటి ఊహలు ||న||
నాలుగు వీధులు నూరు గడపలు
మనసు కలిగిన మంచి మనుషులు
బోనాల సందడి బతుకమ్మ మాయమ్మ
ఏమని చెప్పను ఎంతని చెప్పను ||న||
కట్టెల పొయ్యి దీపపు వెలుతురు
నులుగు మంచాలు డప్పు చప్పుల్లు
గునె పెంకులు గడ్డి వాములు
ఈతాకు చాపలు తాటాకు పందిళ్ళు ||న||
చిక్కటి పాలు చక్కటి పెరుగు
తాటి ముంజలు ఈత పళ్ళు
చేదబావి నీరు ఊరబావి ఈత
కలుషితమన్నది కానరాదెన్నడు ||న||
కామెంట్లు
కామెంట్ను పోస్ట్ చేయండి